|
Tíðindi -
Tíðindaskriv
|
|
Skrivað av Janus Hansen
|
|
Mikudagur, 15 September 2010 06:53 |
Sunnudagin var ein býflugubítur Merops apiaster at síggja í Streymnesi. Rodmund á Kelduni fann fuglin. Býflugubítur er sera sjáldsamur um okkara leiðir og er bert skrásettur einaferð fyrr í Føroyum.
Hesin sera vakri fuglur eigur í Suðurevropa, Norðurafrika og í londunum við Svartahavið. Hann fer í vetrarvist í Suðurafrika, men fuglurin í Streymnesi er vilstur henda vegin á veg hagar. Skapið og litur á býflugubíti minnir ikki um nakrar fuglar vit vanliga síggja her heima. Skapið kann kanska best samanberast við eina ternu, hóast hon er nakað størri.
Sum navnið sipar til, so livir býflugubítur av býflugum og líknandi skordýrum, so helst kann hann taka onkrar føroyskar vespur eisini. Í øllum føri sást hann jagstra flúgvandi skordýr í bygdini, tá hann ikki hvíldi seg í nøkrum trøðum í einum garði ella á einari stiku.
Myndirnar tók Silas Olofson.
Myndasavn: Býflugubítur (vend tær til Silas viðvíkjandi brúk av myndum til annað enn internet).
|
Tíðindi 
