Fleiri flogmýs í Føroyum

Torgið

Tíðindi

Føroysk

Tíðindi - Føroysk

Skrivað av Janus Hansen

Mikudagur, 15 September 2010 03:54

Kelda: www.jenskjeld.info

12. september 2010 sá Trygvi Midjord eina flogmús á grannahúsinum hjá sær í Hvalba. Rúni Thomsen tók síðani myndir av flogmúsini og fangaði hana. Flogmúsin var send til Nólsoyar, har Jens-Kjeld Jensen staðfesti hana at verða av slagnum hýggiflogmús Vespertilio murinus.
Flogmúsin var send til Nólsoyar, har Jens-Kjeld Jensen staðfesti hana at verða av slagnum hýggiflogmús Vespertilio murinus.
Flogmýs eru sæddar í Føroyum umleið 50 ferðir; men hýggiflogmús er bert skrásett 2 ferðir áður við vissu – 1 í Sandavági í 1988 og 1 í Hvalba í 1994.
Hendan sama dagin - 12. september 2010 – fangaði Virgar Kjærbo eina trøllflogmús Pipistrellus nathusii í Víkarbyrgi. Sjá myndirnar her undir.

14. september 2010: Vit hava helst eina flogmúsainnrás í løtuni, tí Hjørdis Hávarsá sigur, at í minsta lagið 3-4 flúgva runt í Norðoyri. Somuleiðis flúgva í minsta lagið 4 flogmýs runt her í Nólsoy.

Eisini var ein skrásett fyrr á árinum
16. januar 2010 fann Mikkjal Holm eina hálvdeyða trøllflogmús hangandi á vegginum úti á Matvørubúðini hjá Hervør Hansen í Nólsoy. Talan var um ein hann, sum einans vigaði 5.5g. Hetta er tann næsta trøllflogmúsin, sum nakrantíð funnin í Føroyum í januar mánaði, hin var funnin í Sumba 09.01.1992.

Flogmýs eru fráboðaðar í Føroyum alt árið við undantaki av apríl mánaði, so kanska skulu vit til at rokna flogmýsnar upp í flytifuglarnar og bert knýta "mús" í endanum av navninum.

Myndirnar eiga Jens-Kjeld Jensen og Rúni Thomsen.

Les eisini

Vís viðmerkingar (0) Skriva viðmerking

Joomla Software solutions Template

Viðmerkingar