Trý nýggj fuglasløg skrásett í Føroyum

10-05-2009 

Svartgleða (Silas Olofson)

Í vár eru fyribils trý fuglasløg skrásett í Føroyum fyri fyrstu ferð. Tvey teirra enntá dag um dag.

Ein silvurhegri Egretta alba varð sæddur í Hvalba og Sandvík frá uml. 19. apríl og eina viku fram. Silvurhegri er á stødd við vanligan hegra, men er snjóhvítur. Teir stovnar, ið eru næst við, eru í Mið- og Suðurevropa. Tó hava fleiri og fleiri silvurhegrar verið sæddir longri norðuri seinastu árini, og í Íslandi eru minst tríggir silvurhegrar skrásettir.
Les meira...

Tann 8. mai varð ein lítil grábøkut ont Aythya affinis sædd á Hálsatjørn í Sandoy. Lítil grábøkut ont er eitt antarslag úr Norðuramerika, sum sæst á hvørjum ári í Evropa. Henda ont minnir um grábøkuta ont, sum sæst regluliga her á landi. Tó er lítil grábøkut ont væl minni, á stødd við ella eitt vet minni enn trøllont.
Les meira...

Tann 9. mai varð ein svartgleða Milvus migrans sædd úti í Grøv í Klaksvík. Svartgleða er ein rovfuglur, sum er eitt sindur størri enn fiskimási. Hon er brún og hevur langt sýlt vel. Teir stovnar, ið eru næst við, eru í Mið- og Suðurevropa, men eisini fuglar úr hesum stovnum verða sæddir oftari í Norðurevropa enn áður. Ein svartgleða hevur eitt nú verið sædd í Hetlandi í vár. Eisini er svartgleða skrásett minst 3 ferðir í Íslandi. Svartgleða er fyrst og fremst ræfuglur, og tí er als ikki neyðugt at óttast fyri seyði ella lombum, nú hesin gestur vitjar í Føroyum fyri fyrstu ferð.
Les meira...

Tað er frítt at nýta henda tekst og hesa mynd. Aðrar myndir kunnu nýtast eftir avtalu við Silas Olofson, silasolofson@gmail.com.

 

^ TOP

Kúhegri, nýtt slag fyri Føroyar

01-10-2008 

Kúhegri (Silas Olofson)

Ein kúhegri (Bubulcus ibis) hevur verið at sæð á Viðareiði nakrar dagar. Hetta er fyrstu ferð, at kúhegri er skrásettur í Føroyum.

Kúhegri er ein lítil hegri, bert eitt sindur størri enn spógvi. Í Íslandi er kúhegri skrásettur fýra ferðir og tveir av teimum kúhegrunum vóru sæddir 27. septembur í ár. Kúhegri eigur vanliga í Suðureuropa, Asia, Afrika og hevir síðani 1930'unum eisini fest búgv í Amerika. Um fuglurin á Viðareiði er komin úr Europa ella Norðuramerika er ilt at meta um.

Meir kann lesast um kúhegran á Viðareiði, her:
www.faroenature.net/forum/viewtopic.php?t=12729

Til ber at lesa um Kúhegra, á enskum, her:
http://en.wikipedia.org/wiki/Cattle_Egret

 

 

 

^ TOP

Trupulleikar við myndum

15-09-2008 

Vit hava eitt sindur av tekniskum trupulleikum í løtuni. Tær myndir, sum sum verða sendar til FaroeNature.net við við fleiri punktum, apostrof, klombur og líknandi teknum í fílunavninum rigga ikki í eitt tíðarskeið. Eg eri noyddur til at rætta hvørja fíluna sjálvur. 

^ TOP

Alt er í lagið

06-03-2008 

Dagføringarnar órógvaðu nakað, men FaroeNature.net riggar nú aftur. 

^ TOP

Dagføring av ambætara

28-02-2008 

Heimasíðuveitarin, One, arbeiður í løtuni við dátugrunninum og ambætaranum, sum FaroeNature.net liggur á.
Tí er ólag á. Gevið tol.

 

^ TOP

Arbeitt verður við síðuni...

05-11-2007 

Tað henda undarlig ting við myndunum ovast á síðuni, fyri tíðina. Hetta er tí at eg arbeiði við at broyta sniðið. Sum er havi eg megna at fingið tær síðstu myndirnar, sum eru lagdar í myndastavnið, at síggjast ovast á fremstu síðu.

Tá útsjóndin á hesum er nóg góð, leggi eg tað ovast á allari síðuni. Og tá verður helst eisini møguleiki at leggja okkurt líknandi á aðrar síður. T.d. kundi eg gjørt eina mynd sum eitur vagar.jpg, og hon altíð kemur at vísa síðstu mynd í savninum, sum er tikin í Vágum. Men meðan arbeitt verður við hesum mugu tit bera yvir við mær.

 

/Janus

 

^ TOP

Asplenium scolopendrium, nýtt plantuslag fyri Føroyar

08-10-2007 

Asplenium scolopendrium (Jens-Kjeld Jensen)

Sunnudagin 30. September fann Dánjal Jespersen eitt nýtt plantuslag fyri Føroyar. Hetta var ein planta í trøllakampsættini, sum ikki hevur fingið nakað føroyskt navn enn, men sum á latíni eitur Asplenium scolopendrium. Hesin trøllakampur er sjáldsamur í Norðanlondum. Bløðini eru 10-40 cm til longdar og hann er eyðkendur við tað, at bløðini eru heilrandað, og ikki finnut sum aðrir trøllakampar.

Síðstu 15 árini eru, umframt hesa plantuna, tvey nýggj plantusløg funnin í føroysku náttúruni.

Dánjal Jespersen, Annleyg Patursson og Jens-Kjeld Jensen fara regluliga á smærri rannsóknarferðir ymsa staðni í landinum, fyri at læra plantulívið betur at kenna. Hesaferð vóru tey so á einari av smærru oyggjunum, við staðkendum fólki.

Les meira her:
http://www.faroenature.net/forum/viewtopic.php?t=9276

Einans ein mynd er tøk:
http://www.faroenature.net/gallery/thumbnails.php?album=452

Til ber at lesa um Asplenium scolopendrium á enskum her:
http://en.wikipedia.org/wiki/Asplenium_scolopendrium

 

^ TOP

Mýrierla, nýtt fuglaslag fyri Føroyar

25-09-2007 

Mýrierla (Silas K.K. Olofson)

Operation Færøerne er í gongd.
Talan er um eitt tiltak, har áhugaðir fara at nýta komandi dagarnar at hyggja eftir fugli runt oyggjarnar. Flestu luttakararnir eru úr úr Danmark, og komu við Norrønu mánadagin 24. September. Men onkur Føroyingur eisini við. Ætlanin við tiltakinum er at síggja sjáldsom fuglasløg, sum roknað verður við, eru í landinum fyri tíðina.
Les meira um Operation Færøerne her og her.

Ein lítlan tima eftir at luttakararnir vóru komnir við Norrønu varð fyrsta sjáldsama slagið funnið. Fyri fyrstu ferð varð ein mýrierla Motacilla citreola sædd í Føroyum. Hetta var við tyrlupallin við Landsjúkrahúsið.

Mýrierla hoyrir heima í mið-Asia.

Les meira her:
http://www.faroenature.net/forum/viewtopic.php?t=9209

Sí fleiri myndir her:
www.faroenature.net/gallery/thumbnails.php?album=337

Til ber at lesa um mýrierlu á enskum her:
http://en.wikipedia.org/wiki/Citrine_Wagtail

 

^ TOP

Vespurnar breiða seg um landið

21-09-2007 

Vespa (Janus Hansen)

Hósdagin 20 September varð eitt vespubýli týnt í Søldafirði. Eisini eru vespubýli staðfest í Sørvági og Sandavági.

Vespur Vespula vulgaris hava verið í Tórshavn síðan 1999.
Tað er eitt vanligt mynstur, at eitt nýtt slag nýtur eina ávísa tíð, at fáa fótafestið í einum stað, og breiðir seg so. Júst sum vit síggja tað nú við vespunum. Vit vita ikki við vissu, um tær eru komnar til landið av sær sjálvum, ella um tær eru sløddar inn í landið.

Les meira her:
http://www.faroenature.net/forum/viewtopic.php?t=9191

Sí fleiri myndir her:
http://www.faroenature.net/gallery/thumbnails.php?album=52

Til ber at lesa um vespur á heimasíðuni hjá Tórshavnar kommunu:
http://www.torshavn.fo/Default.aspx?pageid=128

 

^ TOP

Íslendskt súgont í Skálabotni

20-08-2007 

Íslendsk súgont (Rodmund á Kelduni)

Hósdagin 26. Juli sá Silas Olofson eina íslendska súgont Bucephala islandica í Skálabotni. Hann fekk avmynda hana og fekk tí prógv fyri, at hetta veruliga er ein íslendsk súgont. Hon liggur har framvegis, og hevur verið avmynda fleiri ferðir. Hon er við vissu sædd í Føroyum tríggjar ferðir fyri 1950 og einans eina ferð eftir 1950. Hetta var í 1982 í Kirkjubø.

Tað er lætt at mistaka íslendska súgont fyri súgont Bucephala clangula. Súgont er vanlig í Føroyum hóast hon ikki eigur her.

Hetta er eitt nýtt slag í myndasavninum á FaroeNature.net. So nú eru tað myndir av 150 fuglasløgum sum eru avmyndaði í Føroyum. Harumframt eru fleiri fuglasløg í savninum, sum eru avmyndaði uttanlanda.

Les meira her:
http://www.faroenature.net/forum/viewtopic.php?t=8573

Sí fleiri myndir her:
http://www.faroenature.net/gallery/thumbnails.php?album=439

Til ber at lesa um íslendska súgont á enskum her:
http://en.wikipedia.org/wiki/Barrow's_Goldeneye

 

 

^ TOP